हेटौँडा । उत्तरी मकवानपुरको थाहा नगरपालिकामा दुईदिने फोटो प्रर्दशनी गरिएको छ । श्रीकृष्ण जन्माष्टमीको अवसरमा थाहाको शिखरकोटमा फोटो प्रदर्शनी गरिएको हो ।

प्रर्दशनीमा थाहा क्षेत्रको प्राकृतिक सुन्दरता, हिमश्रृङखलाको दृश्यावलोकन, ऐतिहासिक मठमन्दिर, पार्टी पौवा, सभ्यता संस्कृति, धार्मिक क्षेत्र मेलाजात्रा, ग्रामीण जीवनशैली, स्वच्छ तथा सफा वातावरणको फोटोहरू प्रर्दशनीमा राखिएको थियो । प्रर्दशनीमा करिव ६० वटा तस्विर रहेका थिए ।

प्रदर्शनीमा राखिएका अधिकांश फोटोहरु गणेश विष्टले खिचेका हुन् । यसअघि पनि थाहानगरको पर्यटन प्रवर्द्धनका लागि काठमाण्डौँ, हेटौँडा, चितवन लगायतका क्षेत्रमा फोटो प्रदर्शन भएको थियो ।