हेटौँडा । चट्याङ लागेर पूर्वी मकवानपुरको बागमती गाउँपालिका वडा नं. २ राइगाउँमा एकजना गम्भीर घाइते भएका छन ।

शनिवार दिउँसो २ बजेको समयमा स्थानीय ५९ वर्षीय जय बहादुर राई चट्याङ लागेर घाइते भएका बागमती प्रदेश प्रहरी कार्यालय हेटौँडाले जनाएको छ ।

राई घर देखी अन्दाजी पाँचसय मिटर पश्चिमतर्फ चौरमा राँगा भैँसी चराउन जाँदा चौरमा बसिरहेको अवस्थामा एक्कासि चट्याङ लागेर घाइते भएका हुन । उनको बाँया छाती देखी तिघ्राको भाग सम्म जलेको प्रहरीले जनाएको छ । चुरेहिल अस्पताल हेटौँडामा उपचार हुन नसकेपछि थप उपचारको लागि राति नै किर्तिपुर अस्पताल काठमाडौँ पठाइएको प्रहरीको भनाइ छ ।