हेटौँडा । मकवानपुरको मनहरी गाउँपालिका–९, खरङ्गामा एक जना मृत अवस्थामा फेला परेका छन् । मनहरी गाउँपालिका–५, बसन्तपुर बस्ने ६३ वर्षीय शेर बहादुर घलान मृत अवस्थामा फेला परेको बागमती प्रदेश प्रहरी कार्यालय हेटौँडाले जानकारी दिएको छ ।

आइतबार घलान घरबाट खरङ्गा जान्छु हिँडेकोमा राति अबेरसम्म पनि घर नआए पश्चात इलाका प्रहरी कार्यालय नेवारपानीमा जानकारी गराइएको थियो । प्रहरी टोलीले खोजी गर्दै जाँदा सोमबार बिहान ९ बजे राप्ति खोलामा ढुङ्गाको बीचमा मृत अवस्थामा फेला परेका थिए ।