![](https://mail.anirudrakhabar.com/wp-content/uploads/2023/12/ban-1-1024x577.jpg)
![](https://mail.anirudrakhabar.com/wp-content/uploads/2023/12/ban-1-1024x577.jpg)
हेटौंडा । सव डिभिजन वन कार्यालय, हेटौंडाको आयोजनामा शुक्रवार हेटांैडाको रातोमाटेमा एक दिने सहभागितामुलक योजना तर्जुमा गोष्ठीको आयोजना गरिएको हो ।
सामुदायिक वनले गर्ने विभिन्न कार्यक्रमहरु कसरी तैयार गर्ने भन्ने विषयमा जानकारी दिन गोष्ठीको आयोजना गरिएको हो । गोष्ठीमा योजना बनाउने तरीका, बजेट बाडफाँड, विभिन्न निकायहरुमा सहयोग माग गर्ने विधि, प्रक्रियाको बारेमा जानकारी गराईएको थियो ।
गोष्ठीमा सव डिभिजन वन कार्यालय, हेटौडाकी बन अधिकृत सविना रिजाल, आश्मा सुवेदी, फरेष्टर यदु कुमार घिमिरे र रानी सामुदायिक वनका कार्यालय सचिव भीमसेन पौडेलले सहजीकरण गरेका थिए ।
कार्यक्रममा सव डिभिजन वन कार्यालय हेटौडा बाट सव डिभिजन वन कार्यालय, फापरबारीमा सरुवा हुनु भएका रामचन्द्र श्रेष्ठलाई विदाई गरिएको थियो । यसैगरि सव डिभिजन वन कार्यालय हर्नामाडीबाट हेटौडामा सरुवा भई आउनु भएकी सविना रिजाललाई स्वागत गरिएको थियो ।
गोष्ठीमा सव डिभिजन वन कार्यालय, हेटौडा अन्तरगत रहेका विभिन्न सामुदायिक वनका प्रतिनिधीहरुको सहभागिता रहेको थियो ।
प्रतिक्रिया दिनुहोस्