![](https://mail.anirudrakhabar.com/wp-content/uploads/2024/03/pani-photo-1-1-1024x682.jpg)
![](https://mail.anirudrakhabar.com/wp-content/uploads/2024/03/pani-photo-1-1-1024x682.jpg)
हेटौंडा । हेटौंडा खानेपानी व्यवस्थापन बोर्डले मकवानपुरगढी वडा नं. ४ सामरीमा शुक्रवार सामरी समवेलको शुभारम्भ गरेको छ । हेटौंडा उपमहानगरपालिका मेयर मीना कुमारी लामाले दैनिक ६० लाख लिटर पिउनेपानीको धारा खोलेर शुभारम्भ गरिन् । हेटौंडा उपमहानगरपालिकाको वडा नं. २, ४, ५ र १० का लागि खानेपानी पठाउन सामरी समवेलको शुभारम्भ गरिएको हो ।
खानेपानी योजना मार्फत लगभग १० हजार घरधुरी र ६० हजार जनसंख्या लाभान्वित हुनेछन् । बोर्डले दुइसाता लगाएर करिव २५ लाख लगानीमा खानेपानी योजना सम्पन्न गरेको हेटौंडा खानेपानी व्यवस्थापन बोर्डका अध्यक्ष प्रताप बिष्टले जानकारी दिए । बोर्डले दैनिक २ करोड ६२ लाख लिटर खानेपानी उत्पादन गर्दै आएकोमा शुक्रवारदेखि दैनिक तीन करोड २२ लाख लिटर पानी उत्पादन गर्न थालेको बिष्टले बताए । बोर्ड अन्र्तगत हाल २६ हजार ८८९ वटा धारा रहेको छ ।
हेटौंडा खानेपानी व्यवस्थापन बोर्डले चालु आर्थिक बर्षको फागुन मसान्त सम्म पानी महशुल बिलिङ ८ करोड ८३ लाख २९ हजार मध्येमा ८ करोड ३६ लाख ७४ हजार अर्थात ९४ दमशलव ७३ प्रतिशत उठाउन सफल भएको हेटौँडा खानेपानी व्यवस्थापन बोर्ड हेटौंडाका निमित्त कार्यकारी निर्देशक बिष्णु प्रसाद सापकोटाले जानकारी दिए । बोर्डबाट ५३ लाख ७८ हजार पानी महशुल उठाउँन बाँकी रहेकोमा जोखिमयुक्त बक्यौंता १५ लाख रुपैयाँ रहेको सापकोटाले बताए । चालु आवको फागुन मसान्त सम्म ५७ लाख ६ हजार ग्राहकबाट अग्रिम पानीको महसुल बापतको रकम प्राप्त भएको र पेश्की र बेरुजु शुन्य रहेको उनले बताए ।
उद्घाटन कार्यक्रममा गढी गाउँपालिकाका प्रमुख दोर्जे लामा, हेटौँडाका उपमेयर राजेश बानियाँ, प्रमुख जिल्ला अधिकारी सूर्यप्रसाद सेढाईं, पत्रकार महासंघ बागमती प्रदेश महासचिव कृष्णसारु मगर लगायतको आतिथ्यता रहेको थियो ।
प्रतिक्रिया दिनुहोस्